Հասարակայնության հետ կապեր

Դասընթացի տևողությունը` 3 oր (2 ժ/օր)

մինի-դասախոսություն,տեսական նյութի,հիմունքների ներկայացում -30րոպե
օրինակների վերլուծություն -15 րոպե
քննարկում, կարծիքների փոխանակում -20 րոպե
գործնական առաջադրանք, դերային խաղ -40 րոպե
եզրափակում, մեկնաբանություն -15 րոպե

Դասընթացի նկարագրությունը`

PR-ը` Հասարակայնության հետ կապեր հասկացությունը դասվում է ամենանորաձև, տարածված և կիրառվող հասկացությունների շարքին: Ժամանակակից հասարակություններում տեղեկատվական և հաղորդակցման տեխնոլոգիաները հեռանկարային են և վայելում են մեծ պահանջարկ: PR-մասնագետների կարիքն են զգում ինչպես ՀՀ պետական կառույցները, այնպես էլ մասնավոր կազմակերպությունները:

«Հասարակայնության հետ կապեր» դասընթացի նպատակն է ծանոթացնել ունկնդիրներին Հասարակայնության հետ կապերի հիմունքներին` հիմնական հասկացությունների, հեղինակության/ռեպուտացիայի ամրապնդման, բարենպաստ իմիջի ձևավորման, հասարակական կարծաքի վրա ազդեցության հիմնական գործիքների և տեխնիկաների հետ, արդյունավետ հաղորդակցման տեխնոլոգիաների, ԶԼՄ-ների հետ բարենպաստ գործընկերային հարաբերությունների ձևավորման հիմքերին, PR մասնագետների գործունեության ոլորտների հետ:

Տվյալ դասընթացի ընթացքում մասնակիցներին կմատուցվի բովանդակալի նյութ դասախոսությունների տեսքով (բոլոր նյութերը կտրամադրվեն), կքննարկվեն հետաքրքիր և ուսանելի օրինակներ հայաստանյան և միջազգային փորձից, կներկայացվի հարուստ գրականության ցանկ, որը կվերաբերի քննարկվելիք խնդիրներին:

Դասընթացը նախատեսված է`

PR և գովազդի ոլորտների մասնագետների, մամուլի գործակալությունների աշխատակիցների, մամուլի քարտուղարների, մարքետինգային հաղորդակցություներով զբաղվող մասնագետների և նշված թեմատիկայով հետաքրքված յուրաքանչյուրի համար:

Դասընթացի ավարտին ունկնդիրները`

կտիրապետեն PR հիմնական հասկացություններին,
կկարողանան մշակել PR նախագիծ,
ծանոթ կլինեն PR ակցիաների` կոնֆերանսների, շնորհանդեսների, մամլո-ասուլիսների կազմակերպման հիմնական սկզբունքներին,
կկարողանան համագործակցել ԶԼՄ-ների հետ
կկարողանան հանդես գալ և աշխատել որպես PR մասնագետ Հայաստանի տարբեր կոմերցիոն կազմակերպություններում

Գործնական առաջադրանքի էությունը`

Դասընթացի մասնակիցներին տրվում է առաջադրանք-դերային խաղ, որի նպատակն է գործնականում փորձարկել տվյալ դասի ընթացքում ստացած գիտելիքները:

Առաջարկվող դերային խաղը ծավալվում է համաձայն մշակված ընդհանուր ռազմավարության և ունի շարունակական բնույթ` դասընթացի յուրաքանչյուր օր մասնակիցները` հիմնվելով նախորդ դասին ստացած գիտելիքների և հմտությունների վրա, զարգացնում են խաղը նոր հանձնարարության համաձայն:

Դաս 1.

Ներկայացում, ծանոթացում
Հասարակայնության հետ կապերի (PR) էությունը, նկարագիրը, նպատակները և խնդիրները:
PR-ստորաբաժանման, PR-մասնագետի տեղը և դերը կազմակերպության կառուցվածքում:
PR-մասնագիտական էթիկան և հնարավոր խնդիրները:
Տեսակները և առանձնահատկությունները:
Հաղորդակցություն և դրա տեսակները, տարրերը, մոդլները:
PR – ի հետ առնչվող մասնագիտությունների դասակարգումըPR և գովազդ, PR և քարոզչություն, PR և մարքետինգ
PR-ի բարոյական խնդիրները
PR-ի ոլորտները` PR, GR, IR, MR
Հակաճգնաժամային PR

Գործնական առաջադրանք`

Քննարկել PR մասնագետի առջև կանգնած էթիկական խնդիրները PR տարբեր մակարդակներում
Մասնակիցներին հանձնարարվում է բաժանվել խմբերի` կազմակերպությունների, ընտրել կազմակերպության անունը, պրոֆիլը, գործունեության ոլորտը, այն գաղափարը (ապրանքը, խնդիրը, նորամուծությունը) որի PR-արշավը նախատեսվում է իրականացնել: Տալ գաղափարի ամփոփիչ նկարագրությունը: Նկարագրել շուկան, առանձնահատկությունները, հիմնական մրցակիցներին, որոնք շուկայում են նմանատիպ ապրանքատեսակով;

Դաս 2.

Հասարակայնության հասկացությունը PR-ում: Ներքին և արտաքին, լատենտ և ակտիվ հասարակայնություններ: Թիրախային լսարանների տիպաբանումը:
Կազմակերպության և իր հասարակայնության միջև արդյունավետ հաղորդակցություն` RACE համակարգի էությունը
Կազմակերպության իմիջ, իմիջի տեսակները: Կազմակերպության իմիջի ձևավորման առանձնահատկությունները: Իմիջի բարելավմանը ուղղված միջոցառումներ:
Հասարակայնության հետ կապերը մարքեթինգային հաղորդակցման համակարգում: PR և մենեջմենթ, PR և մարքեթինգ, PR և Promotion, PR և Publicity, PR և գովազդ (Advertising). նմանություններ և տարբերություններ:
Շուկայի հասկացությունը, շուկայի սեգմենթավորում, նիշայի հասկացությունը, շուկայում տեղաբաշխում, վերատեղաբաշխում, նոր շուկաների առանձնահատկություններ, նոր շուկաներում աշխատելու կանոններ:
Բրենդինգի հասկացությունը PR-ում: Բրենդի կառուցվածքը: Բրենդի անհրաժեշտ ատրիբուտները: Բրենդ և ապրանքանիշ. նմանություններ և տարբերություններ: Բրենդը որպես կարծրատիպ և առասպել: Ֆիրմայականության գաղափար և սպառողական վարք:
Գովազդային հաղորդակցություններ` ATL, BTL: Գովազդը ԶԼՄ-ներում. գովազդ և մեդիապլանավորում: Հեռուստագովազդ, ռադիոգովազդ, գովազդը մամուլում: Այլ գովազդակիրների առանձնահատկությունները, արդյունավետությունը:

Գործնական առաջադրանք`

Քննարկել հասարակայնություն հասկացությւոնը, տարբերությունը հասարակություն հասկացությունից: Որոնք են հասարակայնության տեսակները: Ներքին և արտաքին հասարակայնություն, կորպորատիվ ներքին և արտաքին հաղորդակցություններ:
Քննարկել գովազդի դերը և ազդեցությունը հասարակական կարծիքի և հասարակական գիտակցության վրա:
Մասնակիցներին հանձնարարվում է մշակել իրենց կազմակերպության մարքետինգային ռազմավարությունը:

Դաս 3.

PR – արշավի պլանավորում: PR-արշավի յուրաքանչյուր փուլի առանձնահատկությունը:
Թիրախային լսարանի առանձնացում: Հայկական լսարանի սոցիալ-հոգեբանական դիմանկարը, առանձնահատկությունները:
PR-նախագծի մշակում, ներկայացում, իրականացում: Երկարատև-էվոլյուցիոն PR, կարճատև PR – ակցիաներ, հակաճգնաժամային PR:
Հատուկ միջոցառումներ. հիմնավորվածություն, կազմակերպման առանձնահատկություններ, արդյունավետություն:
PR-ակցիաների տեսակները` շնորհանդես, ասուլիս, ճեպազրույց (բրիֆֆինգ), ընդունելություն, ցուցահանդես:
PR և ԶԼՄ-ներ: ԶԼՄ-ների հետ համագործակցության հիմնական սկզբունքները:
PR և համացանց (Internet):
Մարքեթինգային հետազոտություններ: Սոցիոլոգիական հետազոտությունների կիրառումը ապրանքի հեղինակության, սպառողական լսարանի, կազմակերպված միջոցառումների արդյունավետության գնահատման հետազոտման ընթացքում. ներկայացվող պահանջները, հիմնավորվածությունը և արդյունավետությունը:

Գործնական առաջադրանք`

Նկարագրել ամենահիշված և սիրված գովազդները և մեկնաբանել դրանց պատրաստման հիմնական PR-սկզբունքները:
Ներկայացնել մինի PR-նախագիծ, նախատեսվող PR ակցիաների մանրակրկիտ նկարագրությամբ:

Դաս 4.

Դասընթացի արդյունավետության գնահատում/ հարցաթերթիկային հարցում
Դասընթացի արդյունքները քննարկում, կարծիքների փոխանակում: Բավարարվածություն ստացած գիտելիքներով և հմտություններով: Փոփոխությունների անհրաժեշտություն, առաջարկներ:

Վկայականների շնորհում:

Հասարակայնության հետ կապեր